好開心呀~ 終於晒左第一筒菲林出黎,

雖然大部分都係黑同灰, ok既唔夠10張,

但係出到黎既效果我幾鐘意呀, 

自從有左DC之後, 好耐未試過等晒菲林果種又期待又緊張既心情,

可能有些人會因為害怕結果未必能盡如人意, 而不敢去嘗試

但盡力去做, 不問成果, 會令人更覺寫意。

牛頭角下村

有次搭車經過牛頭角下村, 忽然醒起呢度就黎拆卸

立刻坐言起行約左一班同事去影相

一班鐘意影相既人一齊影相係一件好開心既事

不過而家用緊既Canon850IS已經滿足唔到我

黎緊想進入單反既生涯, 多謝何生支助我$6000 !!

牛頭角下村雖然唔係陪伴我成長

但係一個我差不多每日回家都會經過既地方

即將要拆卸都有點不捨得

這裡的居民說我們來拍照會騷擾到他們

望你們原諒我吧

當一切都消失之後

我們就只能從相片裡尋找一絲絲的回憶

前排開始帶飯
我做左年半都未試過個蒸飯爐壞
第一日帶飯就壞左... 黑仔到爆
之後講開洗飯盒
同事介紹我去Jusco$10店買洗碗海棉
去到見到$10有7舊大大既方形海棉
不過最後都係買左呢3隻野~ 好鬼cute啫
再加多個貓形 book stand
呢d咪quality of life lor

p.s.返到公司,同事極力阻止我用佢地黎洗飯盒, 送左d大大方形海棉俾我用...
真係"本來無一物"......

蘇民峰話今年係東位要放件兔形擺設
於是同事送左盞My Melody既白瓷燈俾我
諗左好耐都唔知放係邊好
見床頭有位就放住先
一開燈..
wa~好靚呀~~
有房既你可能唔會明白一盞燈可以有幾靚
話說我張床係係個衣櫃上面
同天花板既距離好近
當四周圍都是漆黑一片
一開燈  有種自成一閣既感覺
很奇妙...

今晚應該會訓得好好

踏入2009年
對一切都懷著美好既憧憬
可惜連場的大病
本來期待的事情
取消的取消 擱置的擱置
感覺不好受
忽然感嘆: 生命真係脆弱

醫生話: 無事既, 你好快好返架喇
介凍, 介生, 介奶, 介炸, 介油, 介高纖
即係要食白粥...
介口五天了, 已經開始有點不耐煩
但如果有一日醫生同你講: 你.. 要接受..你以後都會係咁
我又會怎樣.....